ក្រុមបាល់ទាត់ជម្រើសជាតិអេស្ប៉ាញ បានយកឈ្នះលើក្រុមហ្សក់ហ្សី ក្នុងលទ្ធផល ២-១ សម្រាប់ការប្រកួតជម្រុះ World Cup 2022 កាលពីយប់មិញនេះ។
Kvaratskhelia ជាអ្នករកគ្រាប់បាល់បានមុននៅនាទី៤៣ ឱ្យក្រុមម្ចាស់ផ្ទះហ្សក់ហ្សីកាលពីយប់មិញនេះ ដែលធ្វើឱ្យក្រុមអេស្ប៉ាញបុកពោះទៅហើយ។ យ៉ាងណាមិញ បន្ទាប់ពីការខិតខំប្រឹងប្រែងសម្រុកវិញមក អេស្ប៉ាញបានរកគ្រាប់បាល់តាមស្មើបាននៅនាទី៥៦ ដោយFerran Torres ។ ការប្រកួតនេះ ត្រូវការដល់នាទី៩០+២ ទើបអេស្ប៉ាញរកគ្រាប់បាល់ជ័យជម្នះបានដោយ Olmo ។
នេះជាការរកបាន៣ពិន្ទុឡើងវិញរបស់ក្រុមអេស្ប៉ាញ ខណៈដែលប្រកួតទី១របស់គេកន្លងទៅ បានត្រឹមស្មើជាមួយក្រុមក្រិកក្នុងលទ្ធផល ១-១ ប៉ុណ្ណោះ។ គិតត្រឹម២ប្រកួតមកនេះ អេស្ប៉ាញនៅលេខ២ក្នុងពូល B ដោយក្រុមលេខ១នោះគឺស៊ុយអែត ដែលមាន៦ពិន្ទុពេញ៕ប្រភព Dailymail