អតីតកីឡាករព័រទុយហ្គាល់លោក Fernando Meira បានរិះគន់ទៅលើ Cristiano Ronaldo ចំពោះឥរិយាបថដែលគ្រវែងចោលផ្លាកដៃប្រធានក្រុមទៅលើដី កំឡុងពេលខឹងសម្បាអាជ្ញាកណ្តាលកាត់សេចក្តីគ្រាប់បាល់ចុងម៉ោងមិនមានភាពប្រក្រតី។
នៅចុងម៉ោងនាទី ៩៣ Ronaldo ស៊ុតបាល់ចូលទីទៅហើយ តែត្រូវបានអាជ្ញាកណ្តាលគិតថាខ្សែការពារ Clear ចេញទាន់ ហើយបាល់មិនទាន់ផុតគំនូសខ្សែបន្ទាត់ឡើយ។ ភ្លាមនោះ CR7 មានការខឹងសម្បាទៅលើអាជ្ញាកណ្តាល ដល់ថ្នាក់ទទួលបានកាតលឿង ហើយគេក៏ដើរចេញពីទីលានមុនចប់ការប្រកួត និងគ្រវែងផ្លាកប្រធានក្រុមចោលទៅលើដីថែមទៀត។
យ៉ាងណាលោក Meira បានប្រាប់ Record បែបនេះ៖ “វាជាគ្រាប់បាល់ចូលទីពិតណាស់ តែ Ronaldo មិនអាចគ្រវែងផ្លាកប្រធានក្រុមចោលទៅលើដីអ៊ីចឹងទេ និយាយទៅគឺទទួលយកមិនបាន ហើយវាជាគំរូមិនល្អដែលគ្រប់គ្នាមិនគួរយកគំរូតាម”៕
ប្រភព៖ BeSoccer