នាមជាគ្រូបង្វឹកដូចគ្នា Xavi Hernandez បានយល់ឃើញថា លោក Joachim Low គឺសក្តិសមបំផុតក្នុងការផ្ទេរទៅដឹកនាំក្លឹប Barcelona បន្ទាប់ពីលោកទើបតែប្រកាសថានឹងបញ្ចប់អាជីពជាអ្នកចាត់ការនៅក្រុមជម្រើសជាតិអាល្លឺម៉ង់។
លោក Low បានដឹកនាំអាល្លឺម៉ង់តាំងពីឆ្នាំ ២០០៦ ហើយបានប្រកាសថានឹងចាកចេញនៅឆ្នាំ ២០២១ កំឡុងខែកក្កដា ក្រោយចប់ព្រឹត្តិការណ៍ Euro ឆ្នាំ ២០២១ ដែលលើកពេលពីឆ្នាំ ២០២០ មក។
ប្រាប់ Suddeuthsche Zeitung លោក Xavi ជាអ្នកចាត់ការក្លឹបនៅកាតានិយាយ៖ “Low បានជួយឲ្យអាល្លឺម៉ង់ទទួលការអភិវឌ្ឍនូវវិស័យបាល់ទាត់ និងបានធ្វើឲ្យខ្ញុំនឹកដល់រឿងជាច្រើនអំពីជម្រើសជាតិអេស្ប៉ាញ និង Barcelona”។
សួរនាំបន្តថាហេតុអ្វី Low សក្តិសមជាមួយ Barcelonaa លោក Xavi បន្ថែម៖ “ព្រោះរបៀបនៃការយល់អំពីការប្រកួត និងអត្តចរិតរបស់គាត់ គឺសក្ដិសមខ្លាំងណាស់”។
បញ្ជាក់ថាជាមួយជម្រើសជាតិអាល្លឺម៉ង់បុរសវ័យ ៦១ ឆ្នាំ ដឹកនាំបាន ១៨៩ ប្រកួត ឈ្នះ ១២១ លើក ស្មើ ៣៧ លើក និងចាញ់ ៣១ លើក៕ ប្រភព៖ BeSoccer