ខ្សែប្រយុទ្ធ Neymar មិនអាចជួយក្រុម PSG ប្រកួតជាមួយក្រុម FC Barcelona នៅរាត្រីនេះបានទេ ដោយសារតែរបួសមិនទាន់ជាសះស្បើយ១០០%។
ក្រុម PSG នឹងត្រូវបើកទ្វាផ្ទះស្វាគមន៍ក្រុមភ្ញៀវ Barcelona សម្រាប់ជើងទី២ពានរង្វាន់ UEFA Champions League វគ្គ១៦ក្រុមចុងក្រោយ។ ដោយឡែកកាលពីជើងទី១កន្លងទៅ ក្រុមអ្នកមានបារាំង បានយកឈ្នះលើក្រុមអ្នកមានបុណ្យបានក្នុងលទ្ធផល ៤-១ ទៅហើយ។ ដូច្នេះការប្រកួតនៅរាត្រីនេះ នឹងក្លាយជាការប្រកួតតានតឹងមួយសម្រាប់ក្រុម Barcelona មិនខាន។
អ្វីដែលគួរឱ្យចាប់អារម្មណ៍ថែមទៀតនោះ នៅរាត្រីនេះ ខ្សែប្រយុទ្ធសំខាន់ក្នុងក្រុម PSG គឺកីឡាករ Neymar ក៏នឹងបន្ដអវត្តមានទៀតដែរ។ រូបគេកំពុងបន្ដដំណើរព្យាបាលរបួសហើយវាមិនទាន់ជា១០០%ដែលឱ្យរូបគេអាចចូលលេងបានទេនៅរាត្រីនេះ៕ប្រភព Marca