ក្រុម Liverpool ក្នុងដីខ្លួនឯងនៅយប់មិញនេះ បានបន្ដលេងចាញ់ក្រុម Fulham ក្នុងលទ្ធផល ១-០ ទៀតហើយ ក្នុងការប្រកួតពានរង្វាន់ English Premier League ។
លោក Jurgen Klopp បានប្រើប្រាស់កីឡាករល្អបំផុតក្នុងក្រុមទៅហើយដើម្បីលេងទល់ក្រុម Fulham នេះ ប៉ុន្តែលទ្ធផលនៅតែមិនអាចទទួលបានជ័យជម្នះទៅវិញ។ ដោយឡែកក្រុម Fulham ឯណោះទេ ដែលអាចទម្លាយសំណាញ់ទីរបស់ក្រុមហង្សក្រហមបានសម្រេច១គ្រាប់ ដើម្បីយក៣ពិន្ទុបន្ថែម។
នេះជាការចាញ់ជាប់គ្នា៦ប្រកួតមកហើយក្នុងដីរបស់ខ្លួនឯង ខណៈដែលវាជាកំណត់ត្រាអាក្រក់បំផុតមិនធ្លាប់មានពីមុនមកទេសម្រាប់ក្រុម Liverpool ។ ងាកទៅមើលចំណាត់ថ្នាក់ក្នុងតារាង Premier League វិញ ក្រុមរបស់លោក Klopp កំពុងស្ថិតនៅលេខរៀងទី៨ឯណោះ ដែលឆ្លងកាត់២៨ប្រកួតមាន៤៣ពិន្ទុ៕
ប្រភព៖ DailyMail