ប្រភពនៅអង់គ្លេស បានចុះផ្សាយព្រោងព្រាតថាក្រុម Real Madrid នឹងលក់ខ្សែការពារ Raphael Varane ឱ្យទៅក្រុម Manchester United នៅក្នុងតម្លៃជាង៦០លានផោននៅរដូវក្ដៅខាងមុខ។
Varane នៅសល់កុងត្រាជាមួយក្រុម Real Madrid ត្រឹម១៨ខែទៀតប៉ុណ្ណោះ ខណៈដែលការបន្ដកុងត្រាថ្មីណាមួយក៏មិនទាន់មានដែរ។ អ្វីដែលជាដំណឹងមកនោះ គឺក្រុមអធិរាជស បែរជាត្រៀមលក់កីឡាករបារាំងខាងលើនេះទៅឱ្យក្រុម Man Utd ទៅវិញ។ នៅចប់រដូវកាលនេះ តម្លៃខ្លួនរបស់ Varane គឺជាង៦០លានផោន ដែលក្រុមបិសាចក្រហមទំនងជាជះលុយដើម្បីទិញយកហើយ។
រំលឹកថាការមិនអាចបន្ដកុងត្រាថ្មីខាងរបស់ Varane គឺដោយសារតែកីឡាករបារាំងរូបនេះទាមទារឡើងតម្លៃពលកម្មរបស់ខ្លួន ខណៈដែលក្រុម Real Madrid នៅមិនទាន់យល់ព្រមនៅឡើយទេ៕
ប្រភព៖ DailyMail