ខ្សែការពារ Ruben Dias ខ្សែការពារលេចធ្លោរបស់ក្រុម Manchester City បានអះអាងថាកាលពីតូចរូបគេចូលចិត្តមើល Rio Ferdinand និង Nemanja Vidic។
កីឡាករព័រទុយហ្គាល់ខាងលើនេះ គឺជាផ្នែកមួយយ៉ាងសំខាន់សម្រាប់លោក Pep នារដូវកាលនេះ។ រូបគេទើបតែផ្លាស់មកពី Benfica កាលពីរដូវក្ដៅកន្លងទៅនេះទេ ដើម្បីមកជួយតំបន់ការពារ។ លោក Pep បានផ្ដល់ទំនុកចិត្តខ្លាំងមែនទែនដល់កីឡាករវ័យ២៣ឆ្នាំនេះ ដោយសឹងតែបានលេងជម្រើសដំបូងគ្រប់ប្រកួតទៅហើយ។
ក្រោយពីជួយក្រុមឈ្នះ Wolves ក្នុងលទ្ធផល ៤-១ មក Dias បាននិយាយពីរឿងកាលពីក្មេងថា៖ “ពេលខ្ញុំនៅក្មេង ខ្ញុំមើល Premier League គឺចូលចិត្ត Rio , Vidic , Kompany , Jonh Terry ជាដើម។ ខ្ញុំបានរៀនសូត្រពីពួកគាត់ និងចាប់ផ្ដើមយល់ដឹងច្រើនពីតួនាទីនៅតំបន់ការពារ”៕
ប្រភព៖ DailyMail