នៅការប្រកួតជុំទី ២៤ របស់សេះបង្កង់ Juventus កាលពីយប់មិញ ពួកគេបានយកឈ្នះ ៣-០ ទៅលើ Spezia។ ការយកបាន ៣ ពិន្ទុនាំឲ្យក្រុមដឹកនាំដោយលោក Andrea Pirlo មាន ៤៩ ពិន្ទុ នៅចាញ់ ៣ ពិន្ទុធៀប AC Milan និងចាញ់ ៧ ពិន្ទុធៀបនឹង Inter Milan ដែលជាក្រុមឈរកំពូលតារាង។
យើងបង្វែរទៅមើលស្ថិតិនៃការប្រកួតបន្តិច ដោយម្ចាស់ផ្ទះគ្រប់គ្រងបាល់ ៤៦ ភាគរយ ហើយស៊ុត ១៨ លើក ចំគោលដៅ ៧ លើក ស្របពេលក្រុមភ្ញៀវគ្រប់គ្រងបាល់ច្រើនជាងមាន ៥៤ ភាគរយ តែស៊ុតបាន ១២ លើក ចំគោលដៅ ១ លើកប៉ុណ្ណោះ។
នៅនាទីទី ៦២ នៃតង់ទីពីរទើបកើតមានគ្រាប់បាល់ដែលជាការបញ្ចប់ទីពីសំណាក់កីឡាករ Alvaro Morata រហូតមកដល់នាទី ៧១ ក៏ Federico Chiesa រកបានមួយគ្រាប់ទៀត និងនៅនាទី ៨៩ បន្ថែមគ្រាប់បាល់ទី ៣ ដោយ Cristiano Ronaldo៕
ទស្សនាវីដេអូខាងក្រោម៖