ក្រុមដែលមិនទាន់ស្គាល់ពាក្យថា “ចាញ់” នៅឆ្នាំ ២០២១ កាលពីសប្តាហ៍មុនយើងបានលើកមកបង្ហាញគឺមាន ៤ រួមមាន Man City, Barcelona, Frankfurt និង Monaco ប៉ុន្តែឆ្លងផុតកាលពីយប់មិញ គឺសល់តែ ៣ ក្រុមប៉ុណ្ណោះ បន្ទាប់ពី Frankfurt ទទួលរងបរាជ័យ។
Frankfurt បានចាញ់ ១-២ ទល់ក្រុម Werder ដែលជាការរកបានគ្រាប់បាល់ជ័យជម្នះពីកីឡាករ Josh Sargent និង Gebre Selassie។ ការចាញ់របស់ Frankfurt នាំឲ្យពួកគេឈរនឹងនៅលេខ ៤ មាន ៤២ ពិន្ទុ ស្មើនឹងក្រុម Wolfsburg ដែលស្ថិតនៅលេខ ៣។
បញ្ជាក់ថាក្រុម ៣ ផ្សេងទៀត យើងនឹងរង់ចាំអុតមើលលទ្ធផលនៅរាត្រីនេះ តួយ៉ាងដូចជា Monaco នឹងប៉ះ Brest ខណៈ Barcelona ប៉ះ Sevilla ហើយ Man City ត្រូវប៉ះ West Ham ដែលការប្រកួតទាំងអស់នឹងមានផ្សាយផ្ទាល់នៅលើទំព័រ CTS Sports៕