នៅវេលាម៉ោង ០៧:៣០ នាទីយប់នេះ ក្រុមមេឃខៀវ Manchester City នឹងត្រូវប៉ះគ្នាទល់ក្រុម West Ham United ដែលជាជំនួបជុំទី ២៦ នៅក្របខ័ណ្ឌ Premier League។ បច្ចុប្បន្ន City ឈរលេខ ១ ខណៈ West Ham ឈរលេខ ៤ ខុសគ្នា ១៤ ពិន្ទុ។
មុនឈានដល់ការប្រកួតយើងសូមធ្វើការបង្ហាញលទ្ធផលព្យាករណ៍គ្រាប់បាល់ ក៏ដូចជាសមាសភាពកីឡាករដែលអាចចូលរួមការប្រកួតដូចខាងក្រោម៖
បញ្ជាក់ថា City មិនទាន់ស្គាល់ពាក្យថា ចាញ់ នោះទេ នៅ ១០ ប្រកួតចុងក្រោយទល់ West Hamក្នុងក្របខ័ណ្ឌ Premier League ដែលកន្លងមកឈ្នះ ៨ ស្មើ ២ រាប់ចាប់តាំងពីខែកញ្ញា ឆ្នាំ ២០១៥។ ចាញ់លើកចុងក្រោយគឺ ២-១ ក្នុងទឹកដីរបស់ West Ham។
រីឯ West Ham វិញ កំពុងព្យាយាមបញ្ចៀសមិនឲ្យរងបរាជ័យ ព្រោះ ១១ លើកដែលពួកគេលេងក្នុងដី Etihad កន្លងមក គឺចាញ់ដល់ទៅ ១០ លើក ហើយឈ្នះតែ ១ លើកគត់។ ជាលទ្ធផលព្យាករណ៍មើលតាមទម្រង់លេងនារយៈពេលចុងក្រោយផង City នឹងអាចយកឈ្នះ West Ham ដោយលទ្ធផល ២-១។
រីឯជម្រើស ១១ រូបរវាងក្រុមទាំងពីរអាចនឹងកើតមានដូចជា៖
Man City: Ederson; Cancelo, Stones, Dias, Zinchenko; De Bruyne, Rodri, Gundogan; Mahrez, Sterling, Foden
West Ham: Fabianski; Coufal, Dawson, Diop, Cresswell; Soucek, Rice; Bowen, Fornals, Lingard; Antonio
ប្រភព៖ Sportsmole