Zlatan Ibrahimovic បានចាត់ទុកខ្សែប្រយុទ្ធ Ronaldo របស់ប្រេស៊ីល គឺជាកីឡាករល្អបំផុតក្នុងប្រវត្តិសាស្ត្របាល់ទាត់។
កីឡាករវ័យ៣៩ឆ្នាំខាងលើនេះ បានទុកថា Ronaldo Nazario ដែលជាអ្នកជួយជម្រើសជាតិប្រេស៊ីលឈ្នះ World Cup 2002 គឺជាខ្សែប្រយុទ្ធពេញលេញម្នាក់ និងល្អជាងគេក្នុងប្រវត្តិសាស្ត្រ។ Ronaldo មានពោរពេញដោយទេពកោសល្យ និងការខិតខំប្រឹងប្រែងហ្វឹកហាត់បន្ថែមទៀត ធ្វើឱ្យរូបគេឈានដល់ចំណុចកំពូល និងគ្មាននរណាម្នាក់អាចធ្វើដល់គេឡើយ។
វីរបុរសបាល់ទាត់ប្រេស៊ីលខាងលើនេះ ចាប់ផ្ដើមអាជីពបាល់ទាត់នៅស្រុកកំណើតនាឆ្នាំ១៩៩៣។ លោក បានទទួលបានបទពិសោធជាច្រើនក្នុងអាជីព ដោយធ្លាប់លេងឱ្យក្រុម PSV , Barcelona , Inter Milan , Real Madrid , AC Milan និង Corintians ។ Ronaldo លេងបាន៤៥២ប្រកួត និងរកគ្រាប់បាល់សរុបបាន២៩៦គ្រាប់ ឈ្នះពាន Ballon d’Or បាន២ដងផងដែរ៕
ប្រភព៖ Goal