ក្រុម FC Barcelona បានយកឈ្នះលើក្រុម Elche ក្នុងលទ្ធផល ៣-០ សម្រាប់ការប្រកួតពានរង្វាន់ La Liga កាលពីយប់មិញនេះ ដើម្បីហក់ឡើងទៅលេខ៣ក្នុងតារាងវិញ។
៣គ្រាប់ដែលរកបាននៅយប់មិញរបស់ក្រុមអ្នកមានបុណ្យរកបានដោយប្រធានក្រុម Lionel Messi ២គ្រាប់ម្នាក់ឯង និង១គ្រាប់ទៀតសម្រេចបានដោយ Jordi Alba ។ ការទទួលបាន៣ពិន្ទុបន្ថែមយ៉ាងសំខាន់នេះ ជួយក្រុម Barcelona ឡើងលេខ៣ក្នុងតារាង La Liga វិញហើយ ដោយចាញ់ក្រុម Real Madrid ២ពិន្ទុ និងក្រុមលេខ១ AT Madrid ដល់៥ពិន្ទុ និង១ប្រកួតក្នុងដៃ។
លោក Ronald Koeman អ្នកចាត់ការក្រុម FC Barcelona បាននិយាយថាកូនក្រុមចាប់ផ្ដើមធ្វើបានល្អឡើងវិញ និងលេងស៊ីចង្វាក់គ្នា ក្រោយពីលេងបានត្រឹមស្មើជាមួយ Cadiz កន្លងទៅ។ លោកសង្ឃឹមថាទម្រង់លេងល្អនេះនឹងរក្សាសម្រាប់ការប្រកួតខាងមុខបន្ដទៀត៕
ប្រភព៖ DailyMail