នៅសប្ដាហ៍នេះ West Ham បានយកឈ្នះ ២-១ ទៅលើ Tottenham ហើយវាកាន់តែធ្វើឲ្យអនាគតរបស់លោក Jose Mourinho ហាក់មិនប្រាកដប្រជាឡើង ស្របពេលដែលឈ្មោះក្រុមធ្លាក់ទៅដល់លេខ ៩ ឯណោះក្នុងតារាង Premier League។
ពាក់ព័ន្ធនឹងកៅអីដែលមិនច្បាស់លាស់របស់ Spurs ក៏មានរបាយការណ៍បង្ហាញមកថា គ្រូរួមលីគលោក Brendan Rodgers ដែលបច្ចុប្បន្នកំពុងដឹកនាំ Leicester City មានភាគរយខ្ពស់ជាងគេក្នុងការមកជំនួសបុរសមានរហ័សនាម “Special One”។ នេះបើតាម Football Insider បានចុះផ្សាយ។
កន្លងទៅនេះ Leicester ទើបតែយកឈ្នះទៅលើ Aston Villa ២-១ ហើយជ័យជម្នះនោះដែរបានរុញឲ្យក្រុមរបស់លោក Rodgers ហក់មកឈរនៅលេខ ៣ មាន ៤៩ ពិន្ទុស្មើ United និងចាញ់ ១០ ពិន្ទុធៀបនឹង Man City ជាក្រុមកំពូលតារាង។
គួររំឭកថាក្រៅពីលោក Mourinho សម្រាប់អ្នកចាត់ការដែលអាចនឹងត្រូវចាកចេញទៀតនោះ រួមមានលោក Jurgen Klopp របស់ Liverpool ក៏ដូចជាលោក Mikel Arteta ដែលក្រុមរបស់ពួកគេកំពុងធ្លាក់ទម្រង់ខ្លាំងនៅរយៈពេលចុងក្រោយ៕
ប្រភព៖ Sportsmole