ក្រុមបិសាចក្រហម បានបង្ហាញទម្រង់លេងយ៉ាងល្អរបស់ខ្លួន ដោយយកឈ្នះលើក្រុម Newcastle United ក្នុងលទ្ធផល ៣-១ សម្រាប់ការប្រកួត Premier League នៅយប់មិញនេះ។
នៅទឹកដី Old Trafford ក្រុមបិសាចក្រហមបានបើកការនាំមុខមុនលើក្រុម Newcastle ដោយខ្សែប្រយុទ្ធ Marcos Rashford នៅនាទី៣០។ តែ៦នាទីបន្ទាប់មក Maximin ក៏រកគ្រាប់បាល់តាមស្មើវិញបានមុនបញ្ចប់តង់ទី១។ ឈានចូលដល់តង់ទី២ James ក៏បើកការនាំមុខជាថ្មីម្ដងទៀតឱ្យក្រុម Man Utd មុនពេល Bruno ថែមគ្រាប់ទី៣បាននៅនាទី៧៥ ដោយបាល់ប៉េណាល់ទី។
យកឈ្នះក្នុងលទ្ធផល ៣-១ នេះហើយ ក្រុម Man Utd បានឈរនៅចំណាត់ថ្នាក់លេខ២ដដែល ដោយចាញ់១០ពិន្ទុពីក្រុមលេខ១ Manchester City ។ នៅលេខ២នេះ ក្រុមបិសាចក្រហមក៏មានពិន្ទុស្មើជាមួយក្រុម Leicester City ដែលនៅលេខ៣ផងដែរ ពោលគឺមាន៤៩ពិន្ទុដូចគ្នា៕
ប្រភព៖ DailyMail