៥ គ្រាប់ដូចការគិតមែន ប៉ុន្តែនេះគឺខាង PSG ឯណោះជាអ្នកឈ្នះ ដោយក្រុមបារាំង Paris Saint-Germain បានមកលុត Barcelona ដោយក្នុងដី តាមរយៈលទ្ធផល ៤-១។
នៅឯកីឡដ្ឋាន Camp Nou នាជើងទី ១ វគ្គ ១៦ ក្រុមចុងក្រោយដែលមានផ្សាយផ្ទាល់នៅលើទំព័រ CTS Sports កាលពីយប់មិញ ក្រុមអ្នកមានបុណ្យ Barcelona បានបរាជ័យយ៉ាងដំណំ ហើយធ្វើឲ្យក្តីសង្ឃឹមឆ្ពោះទៅកាន់វគ្គបន្ទាប់ហាក់ខ្សត់ខ្សោយខ្លាំងបំផុត។
ទៅមើលការលេងនៅយប់មិញ Barcelona គ្រប់គ្រងបាល់ ៥៣ ភាគរយ ស៊ុត ១២ លើក ចំគោលដៅ ៤ លើក ធៀបនឹង PSG គ្រប់គ្រងបាល់ ៤៧ ភាគរយ ស៊ុត ១៦ លើក ចំគោលដៅ ៩ លើក។ ត្បិតបើអវត្តមាន Neymar តែតំបន់ប្រយុទ្ធដែលមាន Mbappe, Icardi និង Keane គឺល្មមគ្រប់គ្រាន់អាចឲ្យក្រុមបង្កើតឱកាសនិងបញ្ចប់ទីបានងាយ ជាពិសេសតាមរយៈថ្វីជើងរបស់ Mbappe រកបាន Hat-Trick។
គ្រាប់បាល់នាំមុខធ្វើបានដោយ Lionel Messi ជាបាល់ពិន័យ ១១ ម៉ែត្រនៅ នាទី ២៧ មុនពេល Mbappe រកបានពីរគ្រាប់ជាបន្តបន្ទាប់នៅនាទី ៣២ និង ៦៥ ហើយរំលង ៥ នាទី Kean បន្ថែមគ្រាប់បាល់ទី ៣ មុនពេល Mbappe បិទគ្រាប់បាល់ទី ៤ នៅ ១៥ នាទីក្រោយ៕
ទស្សនាវីដេអូខាងក្រោម៖