ម្ដាយរបស់លោក Klopp ឈ្មោះថា Elisabeth បានលាចាកលោកនេះទៅហើយកាលពីថ្ងៃទី១៨ខែមករាឆ្នាំ២០២១កន្លងទៅនេះនាប្រទេសអាល្លឺម៉ង់។
យ៉ាងណាមិញ ក្នុងពិធីបុណ្យសពនោះ លោក Klopp ដែលកំពុងដឹកនាំក្រុម Liverpool នៅអង់គ្លេស គឺមិនបានទៅចូលរួមនោះទេ ដោយសារតែអាល្លឺម៉ង់បានដាក់ចេញច្បាប់មួយមិនអាចឱ្យអ្នកនៅអង់គ្លេសធ្វើដំណើរចូលប្រទេសអាល្លឺម៉ង់បាន។ កត្ដានេះហើយ ទើបបានជាលោក Klopp ខកខានឱកាសចុងក្រោយជូនដំណើរអ្នកមានគុណបានកាលពីខែមុន។
រឿងមួយនេះត្រូវបានលោក Klopp និយាយកាលពីម្សិលមិញនេះ ខណៈដែលលោកពិតជាសោកស្ដាយនិងមិនពេញចិត្តសោះសម្រាប់ច្បាប់ដែលអាល្លឺម៉ង់ដាក់ដើម្បីទប់ស្កាត់មេរោគកូវីដ១៩។ អ្នកចាត់ការល្បីឈ្មោះម្នាក់នេះ បានអះអាងថាម្ដាយរបស់ខ្លួនគឺជាអ្វីគ្រប់យ៉ាងសម្រាប់លោក តែចុងក្រោយមិនអាចជូនដំណើរពេលចុងក្រោយបាន៕
ប្រភព៖ DailyMail