លោក Jose Mourinho នឹងត្រូវដឹកនាំក្រុម Spurs លេងទល់ក្រុម Chelsea នៅរាត្រីនេះ ដើម្បីដណ្ដើមយក៣ពិន្ទុនាពានរង្វាន់ English Premier League ។
មុនការប្រកួតជក់ចិត្តនេះចាប់ផ្ដើម លោក Jose ក៏បានណែនាំទៅលោក Thomas Tuchel គ្រូបង្វឹកថ្មីរបស់ក្រុមតោខៀវ Chelsea ផងដែរ។ ដោយលោកអះអាងថា សូមកុំឱ្យអ្នកចាត់ការអាល្លឺម៉ង់ខាងលើនេះមានសម្ពាធអី ព្រោះការដឹកនាំក្រុម Chelsea ជារឿងងាយស្រួលទេ គ្មានអ្វីពិបាកឡើយ។ ការនិយាយបែបនេះ ក៏ព្រោះតែលោកធ្លាប់នាំ Chelsea ឈ្នះពានរង្វាន់ដល់ទៅ៣ដងឯណោះ។
រំលឹកថាលោក Tuchel ចូលខ្លួនដឹកនាំក្រុម Chelsea ពីលោក Frank Lampard ដោយមានកុងត្រា១៨ខែ។ តាំងពីដឹកនាំក្រុមមក បាន២ប្រកួតហើយ ដោយប្រកួតទី១ស្មើ និងទី២ ឈ្នះ។ ការប្រកួតនេះ នៅរាត្រីនេះនឹងប៉ះជាមួយក្រុម Spurs ទៀត៕ប្រភព Dailymail
