Angel Correa ថាក្លឹប Atletico Madrid បើកទ្វារស្វាគមន៍កីឡាករ Lionel Messi ជានិច្ចប្រសិនបើរូបគេចាកចេញពីក្រុម FC Barcelona មែន។
Messi នៅសល់កុងត្រាត្រឹមចប់រដូវកាលនេះប៉ុណ្ណោះជាមួយក្លឹប FC Barcelona ខណៈដែលការចរចាកុងត្រាថ្មីនោះនៅមិនមានដំណឹងចេញមកនៅឡើយទេ។ ដូច្នេះហើយទើបបានជាក្លឹបជាច្រើនកំពុងទាក់ទងដើម្បីនាំយកកីឡាករអាហ្សង់ទីនរូបនេះមករួមក្រុមសម្រាប់រដូវកាលក្រោយ។
ក្នុងនោះដែរ ក្រុម AT Madrid ដែលទើបយកបាន Luis Suarez មករួមក្រុមនោះ ក៏បានបង្ហាញចំណាប់អារម្មណ៍យក Messi មកដែរ។ Correa កីឡាករម្នាក់របស់ AT Madrid បានបញ្ជាក់សមាជិកទាំងអស់នឹងសប្បាយចិត្តប្រសិនបើ Messi មកចូលរួមជាមួយ។ កីឡដ្ឋានរបស់ក្រុមនេះ បើកទ្វារ២៤ម៉ោងស្វាគមន៍វត្តមានរបស់កំពូលខ្សែប្រយុទ្ធខាងលើជានិច្ច៕ប្រភព Marca
