អ្នកចាត់ការថ្មីលោក Thomas Tuchel បានធ្វើឲ្យអ្នកគាំទ្រកើតមានចម្ងល់នៅប្រកួតទីពីរ បន្ទាប់ពីអវត្តមានកីឡាករសំខាន់ Hakim Ziyech ដោយគ្មានមូលហេតុច្បាស់លាស់។
ត្បិតបើក្រោយចប់ការប្រកួត តោខៀវអាចយក ៣ ពិន្ទុតាមរយៈលទ្ធផល ២-០ ក៏ជឿថាមានអ្នកគាំទ្រមួយចំនួននៅចង់ដឹងដើមចមពីក្រោយរឿងនេះដដែល។
ការពិតទៅ Tuchel ធ្វើក្នុងបំណងល្អទេ ដោយជៀសវាងខ្លាច Ziyech របួស ព្រោះប៉ុន្មានប្រកួតចុងក្រោយគេប្រើកម្លាំងជាប់ៗគ្នាពេក។ ប្រាប់ក្រោយចប់ការប្រកួត អតីតគ្រូ PSG និយាយ៖ “Hakim គេចូលរួម ៥ សប្តាហ៍ជាប់គ្នា ហើយគេមានហានិភ័យអាចនឹងជួបបញ្ហារបួស ប្រសិនគេលេងលើសពី ៣០ នាទីទៀត”។
លោកបន្ថែមទៀតថា៖ “តាមរយៈអ្វីដែលយើងសម្រេច គឺឲ្យគេសម្រាក ហើយគេចផុតពីតំបន់ហានិភ័យ ដោយយើងបានសម្រេចរឿងនេះកាលពីថ្ងៃម្សិលមិញ”៕
ប្រភព៖ Metro