ក្នុងថ្ងៃបើកឆាកលីគដូចគ្នា Lionel Messi រកបាន២គ្រាប់ជួយក្រុម FC Barcelona យកឈ្នះលើក្រុមAlaves ក្នុងលទ្ធផល ៣-០ ស្របពេល Ronaldo វិញនៅមិនទាន់រកឃើញគ្រាប់បាល់នៅឡើយទេ។
Barcelona នៅតែបង្ហាញភាពខ្លាំងរបស់ខ្លួនដដែលនៅថ្ងៃបើកឆាកលីគរបស់អេស្ប៉ាញ La Liga នេះ។ ដោយការប្រកួតនៅយប់មិញនេះ Messi រកបាន២គ្រាប់ឯណោះ ដោយ១គ្រាប់ជាបាល់ហ្វ្រីឃីក នាទី៦៤ និងគ្រាប់ទី២ធ្វើបាននៅនាទី៩០+២ ។ ដោយឡែកសម្រាប់១គ្រាប់ទៀតរបស់ Barcelona រកបានដោយ Coutinho ។ ការរកបាន៣ពិន្ទុជាមួយគ្រាប់បាល់ចំណេញ៣គ្រាប់នេះ ធ្វើឱ្យ Barca ឡើងកំពូលតារាងបណ្ដោះអាសន្នហើយ។
ដោយឡែកសម្រាប់ Ronaldo វិញ មិនទាន់រកឃើញលទ្ធផលល្អនៅឡើយទេ បើទោះជាក្រុម Juventus ឈ្នះមែន ប៉ុន្តែរូបគេមិនអាចរកគ្រាប់បាល់បានឡើយ។ Juventus រកបាន៣ពិន្ទុដែរយប់មិញ ដោយយកឈ្នះលើក្រុម Chievo ក្នុងលទ្ធផល ៣-២។ ក្នុងការប្រកួតនេះ គេឃើញថា Ronaldo មានឱកាសច្រើនដែរ ប៉ុន្តែសំណាងមិនទាន់មកដល់រកគ្រាប់បាល់មិនទាន់បានឡើយ៕ប្រភព៖ DailyMail