នៅការប្រកួតក្នុងកីឡដ្ឋាន Tottenham Hotspur Stadium កាលពីយប់មិញ ក្រុមមាន់ខ្នាយបានទទួលរងបរាជ័យទៀតហើយ ដោយចាញ់ Liverpool ៣-១។ ជាមួយការខកខានយកបានពិន្ទុនៅប្រកួតនេះដែរ ក៏នាំឲ្យកើតមានកំណត់ត្រាអស្ចារ្យជាច្រើនសម្រាប់ហង្ស និងសម្រាប់លោក Mourinho ឯណេះវិញក៏មានការចារឈ្មោះមិនល្អដូចគ្នា។
ជាមួយការចាញ់ក្រៅដីយប់មិញទៀត វាជាប្រកួតទី ៦ ហើយសម្រាប់ Mourinho កំឡុងពេលដឹកនាំ Spurs ដែលរងបរាជ័យ ហើយបើធៀបនឹងក្រុមឯទៀតដែលលោកធ្លាប់ដឹកនាំ មិនដែលឈានដល់ចំណុចនេះទេ។
ខាងក្រោមបង្ហាញពីបរាជ័យក្នុងដីដែលស្ថិតក្រោមការដឹកនាំរបស់ Mourinho៖
Tottenham Hotspur ៦ លើក
Chelsea ៥ លើក
Man Utd ៤ លើក
Real Madrid ៣ លើក
FC Porto ១ លើក
ជាក់ស្តែងទៅ អ្នកចាត់ការសញ្ជាតិព័រទុយហ្គាល់ទើបតែបានដឹកនាំ Spurs ជាង ១ ឆ្នាំកន្លះប៉ុណ្ណោះ នេះបើធៀបនឹងក្រុមឯទៀតដូចជា Man Utd/Chelsea បានជាង ២ ឆ្នាំកន្លះ ហើយបើនៅ Real Madrid ឯណោះឆ្លងកាត់ជាង ៣ ឆ្នាំ៕
ប្រភព៖ Opta