ក្រុមបិសាចក្រហម Manchester United បានបរាជ័យក្រោមថ្វីជើងក្រុម Sheffield United ក្នុងលទ្ធផល ២-១ ក្នុងពានរង្វាន់ English Premier League នៅយប់មិញនេះ។
Sheffield United ដែលស្ថិតនៅបាតតារាងនោះ បែរជាលេងការពារល្អ និងវាយបកបានច្បាស់ថែមទៀត ក្នុងការប្រកួតទល់ក្រុម Man Utd នេះ។ ពួកគេអាចរកបានដល់ទៅ២គ្រាប់ ដើម្បីយកជ័យជម្នះលើក្រុមកំពុងតែឡើងជើងបិសាចក្រហម Man Utd ដែលធ្វើឱ្យមានការភ្ញាក់ផ្អើលជាខ្លាំង។ មួយវិញទៀតនេះជាជ័យជម្នះទី២ហើយនារដូវកាលនេះ របស់ក្រុម Sheffield United ដែលកំពុងដុនដាបបាតតារាង Premier League ។
ដោយឡែកសម្រាប់ Man Utd វិញបរាជ័យនេះ បានធ្វើឱ្យពួកគេខកខានឱកាសឡើងទៅឈរនៅកំពូលតារាងទៅហើយ ស្របពេល Man City ឯណោះលើស១ពិន្ទុ ហើយសល់១ប្រកួតក្នុងដៃថែមទៀត៕ប្រភព Dailymail
