ក្រុម Manchester City នឹងត្រូវប្រកួតតតាំងជាមួយក្រុម West Brom នៅរាត្រីនេះ ក្នុងពានរង្វាន់ English Premier League ។
ក្រុមរបស់លោក Pep នឹងមានឱកាសឡើងទៅឈរនៅកំពូលតារាងតែម្ដង ប្រសិនបើអាចឈ្នះការប្រកួតនេះបាន។ ដោយមុនការប្រកួតនេះចាប់ផ្ដើមដែរ លោក Pep បាននិយាយសរសើរក្រុម West Brom ក្រោមការដឹកនាំរបស់លោក Allardyce ថាមានទម្រង់លេងប្លែក ហើយការការពាររបស់ពួកគេក៏ល្អជាងមុនឆ្ងាយផងដែរ។
លោក Pep បានបន្ថែមទៀតថា៖ “វាមិនមែនជារឿងងាយស្រួលទេនៅពេលចូលមកដឹកនាំក្រុមនៅពាក់កណ្ដាលរដូវកាល ប៉ុន្តែសម្រាប់លោក Allardyce ពិតជាធ្វើបានល្អណាស់។ ដូចគ្រប់គ្នាបានឃើញ ការលេងរបស់ក្រុម West Brom ទល់ក្រុម Wolves និង Liverpool ស្រាប់ គឺក្រុមសហការគ្នាបានល្អណាស់។ Allardyce គឺជាមនុស្សមានទេពកោសល្យម្នាក់ក្នុងវិស័យបាល់ទាត់”៕
ប្រភព៖ Goal