លោក Thomas Tuchel គឺជាបេក្ខភាពឈានមុខគេក្នុងការចូលខ្លួនមកជំនួសតំណែងលោក Frank Lampard ដឹកនាំក្រុម Chelsea បន្ដទៀត។
បន្ទាប់ពីដំណឹងដកលោក Lampard ចេញភ្លាម ក៏ស្រាប់តែមានដំណឹងថាក្លឹបតោខៀវនេះ បានចរចាយកលោក Thomas Tuchel មកដឹកនាំក្រុមភ្លាមផងដែរ។ អតីតអ្នកចាត់ការក្រុមPSG នេះ ត្រូវបានគេដឹងថាសក្ដិសមបំផុតហើយក្នុងការដឹកនាំក្រុម Chelsea បន្ដទៀត ព្រោះលោកជាជនជាតិអាល្លឺម៉ង់ អាចប្រាស្រ័យទាក់ទងជាកីឡាករថ្មីបានល្អ ដែលសុទ្ធតែជនជាតិអាល្លឺម៉ង់ស្រាប់។
បុរសវ័យ៤៧ឆ្នាំខាងលើនេះ ទើបតែត្រូវក្លឹប PSG បណ្ដេញចេញទេ ក្រោយពីនិយាយប៉ះពាល់ដល់ក្លឹបអ្នកមានបារាំងមួយនេះផ្ទាល់តែម្ដង។ យ៉ាងណាមិញ បើតាមស្ថិតិផ្ទាល់គេសង្កេតឃើញថាលោកមានបច្ចេកទេស ដឹកនាំក្រុមបានល្អ ទើបបានជាក្លឹប Chelsea ចង់បានលោកមកដឹកនាំក្រុម៕
ប្រភព៖ DailyMail