ក្រុមហង្សក្រហម Liverpool បានបន្តខកខានការរកគ្រាប់បាល់ និងបរាជ័យក្រោមថ្វីជើងរបស់ Burnley នៅឯកីឡដ្ឋាន Anfield កាលពីយប់មិញ។
ការបាត់បង់ ៣ ពិន្ទុគឺជារឿងធម្មតា ប៉ុន្តែអ្វីដែលអ្នកគាំទ្រគួរដឹងនោះ គឺ Liverpool បានធ្លាក់ឈ្មោះទៅក្នុងកំណត់ត្រាអាក្រក់ ដែលខកខានការរកគ្រាប់បាល់នៅ ៤ ប្រកួតជាប់ៗគ្នា លើកចុងក្រោយបង្អស់កើតឡើងនៅខែឧសភា ឆ្នាំ ២០០០ គិតមកទល់ពេលនេះមានអាយុកាលជាង ២០ ឆ្នាំហើយ។
ទាំង ៤ ប្រកួតចុងក្រោយនោះ គឺ Liverpool មានឱកាសស៊ុតចេញពីជើង ៨៧ លើក រាប់ពីការស៊ុតដំបូងរបស់ Mane ពេលទល់ Newcastle តែមិនទាន់រកបានសូម្បីតែមួយគ្រាប់។ ប្រកួតដែលខកខានការរកគ្រាប់បាល់មានដូចជាស្មើទល់ Newcastle ០-០, ចាញ់ Southampton ១-០, ស្មើ Man Utd ០-០ និងចុងក្រោយចាញ់ Burnley ១-០។
រំឭកថាបច្ចុប្បន្ន Liverpool ឈរនៅចំណាត់ថ្នាក់ទី ៤ ក្នុងតារាង Premier League ដោយមានគម្លាត ៦ ពិន្ទុធៀបនឹងក្រុមកំពូលតារាង Man Utd ហើយ ៤ ពិន្ទុធៀបនឹងក្រុម Man City៕ ប្រភព៖ Opta