ក្លឹប AC Milan ក្រោមការដឹកនាំរបស់លោក Conte បានសម្រេចចុះកុងត្រាយកខ្សែប្រយុទ្ធ Mario Mandzukic មករួមក្រុមបន្ថែមហើយ។
ខ្សែប្រយុទ្ធវ័យ៣៤ឆ្នាំខាងលើនេះ មិនមានក្លឹបលេងទេតាំងពីពាក់កណ្ដាលឆ្នាំ២០២០មក ក្រោយពីចាកចេញពីក្រុម Al-Duhail របស់កាតា។ យ៉ាងណាមិញពេលនេះ ខ្សែប្រយុទ្ធខាងលើបានចុះកុងត្រាជាមួយ AC Milan ហើយ ដោយមានកុងត្រារហូតដល់ចប់រដូវកាលនេះតែម្ដង។ ក្នុងកុងត្រានោះ ក៏បានបញ្ជាក់ដែរថាក្លឹបនឹងបន្ដកុងត្រាឱ្យបន្ថែមទៀត ប្រសិនបើរូបគេអាចជួយ AC Milan លេង UEFA Champions League បាននៅរដូវកាលក្រោយ។
Mandzukic នឹងទទួលបានអាវលេខ៩ ដែលជាអាវរបស់អតីតកីឡាករ Filippo Inzaghi របស់ពួកគេ។ ខណៈដែលបច្ចុប្បន្ននេះ AC Milan កំពុងស្ថិតនៅកំពូលតារាង Serie A ស្រាប់ទៅហើយដែរ៕
ប្រភព៖ Marca