ក្រុម Bayern Munich បានយកឈ្នះ ២-១ ទៅលើ Freiburg នៅឯកីឡដ្ឋាន Allianz Arena កាលពីយប់មិញ។ ៣ ពិន្ទុដែលទទួលបានរុញឲ្យពួកគេបន្តឈរកំពូលតារាងមាន ៣៦ ពិន្ទុនាំមុខក្រុមទើបបង្កើតថ្មី RB Leipzig ដែលមាន ៣២ ពិន្ទុ។
ក្រឡេកទៅមើលការប្រកួត បើកឆាកនៅ ៧ នាទីដំបូងក្នុងតង់ទីមួយ កីឡាករប៉ូឡូញ Lewandowski ក៏រកបានមួយគ្រាប់ឲ្យក្លឹប មុនបន្ថែមគ្រាប់បាល់ទី ២ តាមរយៈ Thomas Muller នៅនាទី ៧៤។
ជាមួយការរកគ្រាប់បាល់ខាងលើ Lewandowski រកបាន ២១ គ្រាប់ហើយ គិតត្រឹមជុំទី ១៦ រាប់តែគ្រាប់បាល់តង់ទី ១ នៅការប្រកួតក្នុងក្របខ័ណ្ឌរដូវកាល ២០២០/២១ នេះ។ គេបានបំបែកកំណត់ត្រារបស់ជើងចាស់លោក Gerd Mueller ដែលធ្វើបាន ២០ គ្រាប់នៅ ១៧ ជុំ កើតមាននៅរដូវកាល ១៩៦៨/៦៩ ពោលគឺគិតមកទល់ពេលនេះឆ្លងកាត់រយៈពេល ៥២ ឆ្នាំ។
គួររំឭកថា គ្រាប់បាល់សរុបរបស់ Lewandowski នៅរដូវកាលនេះគឺមាន ២១ គ្រាប់ហើយ រាប់ត្រឹមការប្រកួតជុំទី ១៦ ដែលគេក៏មានឱកាសអាចបំបែកកំណត់ត្រាមួយផ្សេងទៀតរបស់ Mueller គឺការរកបាន ៤០ គ្រាប់នៅ Bundesliga រដូវកាលទោល ១៩៧១/៧២ អ៊ីចឹង Lewis ត្រូវការ ២០ គ្រាប់ទៀតសម្រាប់ ១៨ ជុំដែលសេសសល់៕
ប្រភព៖ Opta