ក្រុម Leicester City បានយកឈ្នះលើក្រុមSouthampton ក្នុងលទ្ធផល ២-០ សម្រាប់ការប្រកួតពានរង្វាន់ English Premier League នៅយប់មិញនេះ។
ក្រុម Leicester ពិតជាធ្វើបានល្អណាស់សម្រាប់ការប្រកួតនៅយប់មិញ។ ខ្សែបម្រើប្រយុទ្ធ Maddison រកគ្រាប់បាល់នាំមុខបានតាំងពីនាទី៣៧ តង់ទី១ មុនពេល Barnes ថែមបាន១គ្រាប់ទៀតនៅនាទី៩០+៥ ទៅហើយ។ ការឈ្នះបាន៣ពិន្ទុបន្ថែមនេះ ក៏បានធ្វើឱ្យក្រុមលោក Rodgers ឡើងទៅលេខ២ក្នុងតារាងបណ្ដោះអាសន្នសិនដែរ ដោយត្រូវរង់ចាំមើលការប្រកួត Liverpool នៅរាត្រីនេះទៀត។
អ្វីដែលគេកាន់តែចាប់អារម្មណ៍ក្នុងការប្រកួតនេះទៀត គឺការអបអររបស់ Maddison តែម្ដង។ កីឡាករអង់គ្លេសរូបនេះ មិនបានរត់ទៅឱបជាមួយមិត្តរួមក្រុមនោះទេ ដោយរូបគេបានរក្សាគម្លាតសង្គមតាមរដ្ឋាភិបាលអង់គ្លេសបានប្រកាស៕
ប្រភព៖ DailyMail