ខ្សែប្រយុទ្ធ Mohamed Salah បាននិយាយថារូបគេចង់លេងគ្រប់នាទី គ្រប់ការប្រកួតទាំងអស់ ដោយមិនមានបញ្ហាសម្រាប់កាលវិភាគប្រកួតនោះទេ។
មេរោគកូវីដ១៩ បានធ្វើឱ្យការប្រកួតជាច្រើនត្រូវលើកពេល ឬកាលវិភាគប្រកួតញឹកគ្នាខ្លាំងមិនអាចដូចធម្មតាបាននោះទេ។ កត្តានេះហើយ ទើបធ្វើឱ្យកីឡាករខ្លះត្រូវគ្រូដាក់លេង និងកីឡាករខ្លះទៀតមិនត្រូវបានគ្រូដាក់ឱ្យលេងគ្រប់ការប្រកួតនោះទេ។
តែសម្រាប់ Salah វិញ រូបគេបានអះអាងថាការលេងជាប់គ្នាមិនមែនជាបញ្ហាឡើយ។ ផ្ទុយទៅវិញ រូបគេតែងតែចង់បង្ហាញសមត្ថភាពជានិច្ច មិនបានការប្រកួតកម្រិតណាឡើយ។ Salah បាននិយាយថា៖ “ខ្ញុំចង់លេងគ្រប់នាទី និងគ្រប់ការប្រកួត។ ខ្ញុំចង់លេង៩៥នាទី មិនមែនត្រឹមតែ៩០នាទីទេ ប៉ុន្តែខ្ញុំក៏តែងតែគោរពការសម្រេចចិត្តរបស់អ្នកចាត់ការដែរ”៕
ប្រភព៖ Goal