លោក Mauricio Pochettino បានធ្វើតេស្ដវិជ្ជមានកូវីដ១៩ហើយ បន្ទាប់ពីចូលខ្លួនដឹកនាំក្រុម PSG ទើបតែបាន១២ថ្ងៃប៉ុណ្ណោះ។
គ្រូបង្វឹកអាហ្សង់ទីន ទើបតែដឹកនាំក្រុមលើកពានរង្វាន់ Trophee des Champions ប៉ុណ្ណោះ ក្រោយពីយកឈ្នះលើក្រុម Marseille ក្នុងលទ្ធផល ២-១ កាលពីពេលកន្លងទៅនេះ។ ដោយវាជាពាន់អាជីពលើកដំបូងក្នុងការងារដឹកនាំក្រុមរបស់លោក។
យ៉ាងណាមិញ ការដឹកនាំក្រុមនោះមិនបានប៉ុន្មានផង ស្រាប់តែពេលនេះមានដំណឹងមកថា អ្នកចាត់ការ Pochettino បានឆ្លងមេរោគកូវីដ១៩ទៅហើយ។ នេះមានន័យថាលោកនឹងត្រូវសម្រាកព្យាបាលសិន ហើយជំនួយការនឹងត្រូវដឹកនាំក្រុមហ្វឹកហាត់និងប្រកួតបន្ដទៅមុខទៀត៕
ប្រភព៖ Marca