ខ្សែប្រយុទ្ធវ័យចំណាស់ Zlatan Ibrahimovic បានណែនាំសិស្សប្អូនវ័យ ២០ ឆ្នាំ Pierre Kalulu ឲ្យដោះស្រោមដៃចេញ នៅការប្រកួតលើកដំបូងសម្រាប់ក្លឹប AC Milan ក្រោមហេតុផលដើម្បីជៀសវាងធ្វើឲ្យគូប្រជែងមិនខ្លាច.រអា។
ខ្សែការពារវ័យក្មេងសញ្ជាតិបារាំង បានចូលរួមការប្រកួតលើកដំបូងឲ្យក្លឹបនៅជំនួបទល់ Sparta Praha នៅឯក្របខ័ណ្ឌ Europa League កាលពីខែធ្នូកន្លងទៅ ជាមួយជ័យជម្នះ ១-០។
តាមការលើកឡើងរបស់ Ibrahimovic ដំបូងឡើយ កីឡាករវ័យ ២០ ឆ្នាំខាងលើ គេចង់ប្រើប្រាស់ស្រោមដៃនៅដៃទាំងសងខាង ដោយទំនងជាអាកាសធាតុនៅសាធារណរដ្ឋឆែកពេលនោះចុះត្រជាក់ខ្លាំង ប៉ុន្តែសម្រាប់លោកយល់ឃើញថា វាជាការរៀបចំខ្លួនដែលធ្វើឲ្យខ្សែប្រយុទ្ធខាងលើគេមិនខ្លាចទៅវិញទេ។
ប្រាប់សារព័ត៌មាន CorSport កីឡាករស៊ុយអែតនិយាយ៖ “ប៉ុន្មានអាទិត្យមុន Pierre Kalulu គេបង្ហាញខ្លួនលើកដំបូងនៅ AC Milan ហើយពេលនោះគេពាក់ស្រោមដៃ ដោយខ្ញុំបានប្រាប់ឲ្យគេដោះចេញ ព្រោះបើធ្វើបែបហ្នឹង ពិតណាស់មិនអាចបំ.ភ័យខ្សែប្រយុទ្ធខាងគេបានទេ”៕
ប្រភព៖ SoccerLaduma