ក្រុម FC Barcelona នឹងត្រូវប្រកួតជាមួយក្រុម Real Sociedad នៅយប់នេះ សម្រាប់ការប្រកួតពានរង្វាន់ Supercopa វគ្គពាក់កណ្ដាលផ្ដាច់ព្រ័ត្រ។
មុនការប្រកួតនេះចាប់ផ្ដើម លោក Ronald Koeman បែរជាអះអាងថាក្រុមអ្នកមានបុណ្យរបស់លោកហាក់មិនចាប់អារម្មណ៍លើពានរង្វាន់ Cup អេស្ប៉ាញនេះឡើយ។ ដោយលោកបញ្ជាក់ថាក្រុមខ្លួនមិនមែនជាក្រុមដែលទំនងនឹងឈ្នះពាននេះឡើយ ខណៈដែលការប្រកួតនៅយប់នេះ សមាជិកក្រុម Barcelona មិនមានបញ្ហារបួសអ្វីក៏ដោយ។
លោក Koeman បាននិយាយបែបនេះថា៖ “Real Sociedad បានចាប់ផ្ដើមរដូវកាលយ៉ាងល្អ។ ខ្ញុំបានមើលការប្រកួតរបស់ពួកគេបានច្រើនដែរ ហើយពួកគេជាក្រុមល្អមួយក្នុងក្របខណ្ឌរបស់អេស្ប៉ាញ។ យើងមិនអាចនិយាយបានថាក្រុមណាជាក្រុមឈ្នះនៅឡើយទេ ក្រុមទាំង៤ដែលលេងពាននេះសុទ្ធតែល្អដូចគ្នា។ តែយើង ប្រហែលជាមិនមែនជាក្រុមគួរលើកពាននេះឡើយ”៕
ប្រភព៖ Marca