ក្រុមកាំភ្លើងធំ Arsenal សម្រេចចិត្តបានកីឡាករថ្មីម្នាក់ហើយ គឺ Omar Rekik ពីក្រុម Hertha Berlin ក្នុងតម្លៃខ្លួន ៥៤០ ០០០ផោន។
កីឡាករវ័យ១៩ឆ្នាំនេះនឹងមិនទាន់ចូលឈុតធំនៅឡើយទេ ពោលគឺរូបគេនឹងលេងឱ្យក្រុម U23 សិនក្រោយពីចុះកុងត្រានេះ។ ខ្សែការពាររូបនេះ ជាអតីតយុវជនរបស់ក្រុម Feyenoord, PSV, Manchester City និង Marseille មុនពេលឈានជើងចូលក្រុម Hertha Berlin ។
Omar Rekik នេះ មិនទាន់មានឱកាសលេងនៅឈុតធំរបស់ Berlin នៅឡើយទេ ដោយរូបគេបានត្រឹមតែលេងនៅឈុតយុវជនក្នុងលីគទី៤របស់អាល្លឺម៉ង់ប៉ុណ្ណោះ។ យ៉ាងណាមិញ រូបគេក៏ធ្លាប់កោះហៅក្នុងកៅអីបម្រុងបាន៣ដងដែរកាលពីរដូវកាលមុន តែមិនមានឱកាសបានចូលលេង៕
ប្រភព៖ Goal