ក្លឹប Spurs មានទំនុកចិត្តថាខ្សែប្រយុទ្ធកូរ៉េខាងត្បូង Son Heung-min នឹងបន្ដកុងត្រាថ្មីទៀត ដែលមានតម្លៃពលកម្មដល់២សែនផោនក្នុង១សប្ដាហ៍។
នៅដើមសប្ដាហ៍នេះ ក្រុមការងារក្លឹប Spurs កំពុងរៀបចំឯកសារដើម្បីដាក់សំណើទៅ Son និង Harry ដើម្បីតកុងត្រាបន្ថែមទៀត។ ខណៈដែលកុងត្រាចាស់របស់គេនឹងអស់ត្រឹមឆ្នាំ២០២៣ឯណោះ។ ការចង់បន្ដកុងត្រាបន្ថែមនេះកើតឡើង ក្រោយពីក្លឹបជាច្រើនបានបង្ហាញចំណាប់អារម្មណ៍មកលើខ្សែប្រយុទ្ធ Son ក្រោយពីរូបគេរកគ្រាប់បាល់ឱ្យ Spurs បានសឹងគ្រប់ការប្រកួតទៅហើយ។
រំលឹកថាក្រុម Spurs នាពេលនេះក៏មិនសូវមានប្រាក់ដែរ។ ពួកគេទើបតែសាងសង់កីឡដ្ឋានតម្លៃ១ពាន់លានផោនរួចរាល់ ហើយចំពេល Covid-19 វាយប្រហារទៀត ធ្វើឱ្យគ្មានអ្នកគាំទ្រអាចចូលទស្សនាបាននោះទេ។ រដូវកាលមុន ក្លឹបនេះបានខាតប្រាក់ដល់ទៅ៦៣,៩លានផោនឯណោះ៕
ប្រភព៖ DailyMail