ថ្នាក់ដឹកនាំក្រុម Chelsea បានផ្ដល់ទំនុកចិត្តឱ្យអ្នកចាត់ការ Frank Lampard បន្ដដឹកនាំក្រុមបន្ថែមទៀត បើទោះជាប៉ុន្មានប្រកួតមកនេះបរាជ័យច្រើនក៏ដោយ។
Chelsea ឈ្នះបានតែ១ប្រកួតប៉ុណ្ណោះក្នុងការប្រកួត៦ប្រកួតចុងក្រោយនៅពានរង្វាន់ Premier League ដែលលទ្ធផលនេះបានធ្វើឱ្យពួកគេខ្ទាតចេញពីតំបន់ Top4 និងចាញ់ពិន្ទុក្រុមកំពូលតារាងច្រើនមែនទែន។ រហូតដល់មានមតិជាច្រើនចង់ឃើញក្លឹបដកអ្នកចាត់ការ Lampard ចេញថែមទៀត ព្រោះចំណាយប្រាក់ទិញកីឡាករថ្មីៗមកជាច្រើន តែទម្រង់លេងមិនល្អទៅវិញ។
យ៉ាងណាមិញ លោក Roman Abramovich សេដ្ឋីរុស្ស៊ី ម្ចាស់ក្លឹបតោខៀវ Chelsea នៅតែរក្សាភាពស្ងៀមស្ងាត់ដដែល។ លោកបានបន្ដគាំទ្រការដឹកនាំក្រុមរបស់លោក Lampard បន្ដទៀត និងផ្ដល់ឱកាសឱ្យអតីតវីរបុរសក្លឹបមួយនេះស្ដារមុខមាត់ឡើងវិញសម្រាប់ការប្រកួតបន្ដបន្ទាប់ទៀត៕ប្រភព Dailymail