តាមរបាយការណ៍ពី Marca ចុះផ្សាយថា ក្លឹប Real Madrid នឹងនឹងកំពុងចរចាជាមួយកីឡាករ David Alaba ហើយ កំឡុងពេលទីផ្សារដោះដូររដូវរងានេះ។
Alaba នឹងត្រូវផុតកុងត្រាជាមួយក្លឹប Bayern Munich នៅបញ្ចប់រដូវកាល ហើយពុំមានដំណឹងថាក្លឹបនឹងផ្តល់កុងត្រាថ្មីសម្រាប់គេនោះទេ ក្រោយពេលមាន Alphonso Davies ជាអ្នកជំនួសសមគួរមួយហើយនោះ។ នោះមានន័យថា កីឡាករសញ្ជាតិអូទ្រីសអាចចរចាលក្ខណៈ Pre Contract ជាមួយក្លឹបថ្មីណាមួយបានហើយប្រសិនគេព្រមសម្រេចថាទៅ។
ប្រភពពី Marca ចុះផ្សាយថា ក្រុមដឹកនាំដោយលោក Zinedine Zidane ហ៊ានឲ្យ Alaba ដល់ ១០ លានអឺរ៉ូ/រដូវកាល ជាមួយកុងត្រារយៈពេល ៤ ឆ្នាំឯណោះ ដែលទំហំថ្លៃពលកម្មនេះគឺពិបាកនឹងឲ្យក្លឹបដទៃប្រជែង Real ខ្លាំងណាស់។
គួររំឭកថា ខ្សែការពារដែលជំនាញលេងនៅតំណែងស្លាបឆ្វេងនិងកណ្តាលរូបនេះ បង្ហាញខ្លួន ៤០៤ ប្រកួតហើយឲ្យ Bayern ដោយរកបាន ៣៩ គ្រាប់និង Assist ៤៩ លើក។ តាំងពីលេងមកគេមិនដែលរងពិន័យកាតក្រហមទេ អស់ច្រើនត្រឹមកាតលឿងដែលបាន ១៧ លើកប៉ុណ្ណោះ៕
ប្រភព៖ Marca