ខ្សែបម្រើ Philippe Coutinho នឹងត្រូវវះកាត់របួសជង្គង់របស់ខ្លួននៅប៉ុន្មានថ្ងៃខាងមុខនេះ ក្រោយពីវាកើតឡើងកាលពីប្រកួតទល់ក្រុម Eibar នាពេលកន្លងទៅនេះ។ខ្សែបម្រើប្រេស៊ីលខាងលើនេះ ត្រូវប្ដូរចេញ បន្ទាប់ពីបានរងរបួសដោយខ្លួនឯងតែម្ដង មិនមានប៉ះទង្គិចជាមួយកីឡាករណាម្នាក់ឡើយ។
ក្រុមគ្រូពេទ្យបានពិនិត្យទៅលើរបួសជង្គង់របស់កីឡាករវ័យ២៨ឆ្នាំនេះ ហើយរកឃើញថាមានបញ្ហាខ្លាំង រហូតត្រូវការការវះកាត់បន្ទាន់មួយតែម្ដង។ ក្រុម Barcelona នៅមិនទាន់អាចកំណត់បានទេថា Coutinho នឹងត្រូវសម្រាករយៈពេលប៉ុន្មានខែ ដោយវាផ្អែកទៅលើលទ្ធផលនៃការវះកាត់ជាមុនសិន។
អវត្តមានរបស់អតីតកីឡាករ Liverpool រូបនេះនឹងធ្វើឱ្យលោក Ronald Koeman អ្នកចាត់ការក្រុមឈឺក្បាលជាក់ជាមិនខាន ព្រោះរូបគេជាខ្សែបម្រើម្នាក់ស្ថិតក្នុងគម្រោងប្រើប្រាស់របស់លោក៕
ប្រភព៖ Marca