កាលពី ២ ថ្ងៃមុនសហព័ន្ធកីឡាបាល់ទាត់អាស៊ី (AFC) បានប្រកាសថាក្លឹបឥណ្ឌូនេស៊ី Persija Jakarta គឺជាក្លឹបដែលមានប្រជាប្រិយបំផុតនៅអាស៊ីអាគ្នេយ៍ដោយយកឈ្នះម្ចាស់ជើងឯក Super League ៧ សម័យកាលគឺ Johor Darul Ta’zim (JDT) ដោយផ្អែកលើការបោះឆ្នោតពីអ្នកគាំទ្រ។
ក្នុងចំណោមក្លិបបាល់ទាត់ចំនួន ១០ នៅអាស៊ាន ក្រុមត្រូវបានជាប់ក្នុងបញ្ជីឈ្មោះរួមមានក្រុមមកពីលីគកំពូលម៉ាឡេស៊ីគឺក្រុម Perak, Persib Bandung, Hanoi FC, Hoang Anh Gia Lai FC, Buriram United, Western Sydney Wanderers និង Persebaya Surabaya ។
ចាប់តាំងពីថ្ងៃទី ២២ ខែធ្នូ AFC បានបើកការស្ទង់មតិនៅលើគេហទំព័ររបស់ខ្លួន ដើម្បីផ្តល់ឱ្យអ្នកគាំទ្រនូវឱកាស និងសេរីភាពក្នុងការជ្រើសរើសក្រុមដែលមានប្រជាប្រិយបំផុតនៅអាស៊ីអាគ្នេយ៍។ ទោះយ៉ាងណា Persia និង JDT ទទួលបានសម្លេងគាំទ្រច្រើនជាងគេបើប្រៀបធៀបនឹងក្រុមដទៃទៀត។
លទ្ធផលផ្លូវការបង្ហាញថា Persija Jakarta ទទួលបានសំឡេងគាំទ្រច្រើនជាងគេ ៣២,៥% ខណៈ JDT ទទួលបាន ២៩% នៃសម្លេងឆ្នោតទាំងអស់។ ក្រោយមក AFC បានចុះបញ្ជីក្រុមទាំងពីរនេះត្រូវបានបោះឆ្នោតជាក្លឹបមួយដែលមានប្រជាប្រិយបំផុតនៅអាស៊ីផងដែរ៕
