ក្លឹប Manchester City បានប្រកាសថាកីឡាករបស់ខ្លួន២នាក់ Walker និង Jesus រួមទាំងបុគ្គលិក២នាក់ទៀតបានវិជ្ជមានកូវីដ១៩ទៅហើយ ដូច្នេះពួកគេមិនអាចលេងនៅថ្ងៃ Boxing Day ទេ។
មនុស្សទាំង៤នាក់នេះនឹងត្រូវនៅដោយឡែក១០ថ្ងៃសិន ដើម្បីតាមដាននិងព្យាបាល។ ដូច្នេះមានន័យថាក្រុមរបស់លោក Pep ចូលលេងថ្ងៃ Boxing Day ដោយគ្មានខ្សែប្រយុទ្ធនិងខ្សែការពារម្នាក់ហើយ។ ដោយការប្រកួតដែលនឹងអវត្តមាននោះមានដូចជាប៉ះ Newcastle United , Everton និង Chelsea ។ យ៉ាងណាមិញ បើឆ្លងកាត់១០ថ្ងៃនេះ ពួកគេជាសះស្បើយ នោះនឹងអាចចូលលេងបានវិញនៅពេលក្រុមប៉ះ Manchester United នៅថ្ងៃទី៦ខែមករាឆ្នាំ២០២១ខាងមុខ។
ការអវត្តមានខ្សែប្រយុទ្ធ Jesus នេះ នឹងធ្វើឱ្យក្រុមលោក Pep កាន់តែឈឺក្បាលមួយកម្រិតទៀតហើយ ខណៈដែលពួកគេកន្លងមកនេះកំពុងពិបាកក្នុងការស្វែងរកគ្រាប់បាល់ស្រាប់ផង៕
ប្រភព៖ DailyMail