Sheffield United កំពុងតាមយក Jesse Lingard របស់ក្រុមបិសាចក្រហម Manchester United ក្នុងលទ្ធខណ្ឌខ្ចីជើង ឬទិញដាច់ក៏បាន។
ក្រុមរបស់លោក Chris Wilder កំពុងស្វែងរកកីឡាករថ្មីជាច្រើនទៀតនាខែមករាខាងមុខនេះ ដើម្បីមកពង្រឹងក្រុមឡើងវិញ។ ខណៈដែលនៅដើមរដូវកាលនេះ ពួកគេធ្វើមិនបានល្អទាល់តែសោះ ដោយបរាជ័យផ្ទួនៗតែម្ដង និងកំពុងស្ថិតនៅបាតតារាង។ ពួកគេបានចំណាយប្រាក់៥៣លានផោនផងដែរដើម្បីទិញកីឡាករថ្មីចូលកាលពីពេលកន្លងទៅ ប៉ុន្តែមិនប្រសើរឡើយ។
ហេតុដូច្នេះហើយទើបបានជា ពួកគេចង់បានខ្សែប្រយុទ្ធ Jesse Lingard មករួមក្រុម។ ខណៈដែលកីឡាករអង់គ្លេសរូបនេះនៅក្រុម Man Utd គឺមិនសូវមានឱកាសលេងនោះទេ៕
ប្រភព៖ DailyMail