ខ្សែប្រយុទ្ធ Neymar បានរងរបួសកជើងធ្ងន់ធ្ងរ ក្នុងការប្រកួតដែលក្រុម PSG ចាញ់ក្រុម Lyon ក្នុងលទ្ធផល ១-០ នៅយប់មិញនេះ។
ក្រោយពីត្រូវក្រុម Lyon នាំមុខ១គ្រាប់ហើយ ក្រុម PSG ដែលជាម្ចាស់ផ្ទះក៏បានព្យាយាមវាយសម្រុកស្វែងរកគ្រាប់បាល់វិញដែរ ប៉ុន្តែការសម្រុកនោះមិនមានប្រសិទ្ធភាពនោះទេ។ នៅនាទី៩០+៦ ពោលគឺជិតចប់ការប្រកួតទៅហើយនោះ Neymar ត្រូវកីឡាករ Thiago Mendes ស្លាយជើងឱ្យរបួសថែមទៀត។ របួសកជើងនេះដែរ ពិតជាធ្ងន់ធ្ងរមែនទែន ដែលតម្រូវឱ្យក្រុមគ្រូពេទ្យសែងរូបគេចេញពីទីលានតែម្ដង។
គេមិនទាន់ដឹងទេថា តើ Neymar នឹងខកខានការប្រកួតប៉ុន្មានប្រកួតខាងមុខទៀត ខណៈដែលកន្លងមកនេះ រូបគេតែងមានបញ្ហារបួសជាប់រហូតផងដែរ។ បរាជ័យនៅយប់មិញនេះបានធ្វើឱ្យក្រុម PSG ស្ថិតនៅលេខ៣ក្នុងតារាង មាន២៨ពិន្ទុឆ្លងកាត់១៤ប្រកួតកន្លងមកនេះ៕
ប្រភព៖ DailyMail