ក្រៅពីប្រកាសបេក្ខភាពកីឡាករ ៣ រូបល្អបំផុតប្រចាំឆ្នាំសម្រាប់ពាន The Best សហព័ន្ធសមាគមបាល់ទាត់អន្តរជាតិ FIFA ក៏បានប្រកាសនូវបេក្ខភាពអ្នកចាត់ការល្អបំផុតទាំង ៣ រូបផងដែរ។
ក្នុងចំណោមនោះគឺដូចការគ្រោងទុក អ្នកចាត់ការរបស់ក្លឹប Leeds United ពិតជាមានឈ្មោះនៅក្នុងបញ្ជីពិតមែន។ ការបោះឆ្នោតសម្រេចយកម្នាក់រវាងលោក Marcelo Bielsa (Leeds), Jurgen Klopp (Liverpool) និង Hansi Flick (Bayern) នឹងសម្រេចផ្អែកតាមការបោះឆ្នោតរបស់អ្នកគាំទ្រ និងស្ថាប័នសារព័ត៌មាន ក៏ដូចជាបណ្តាអ្នកចាត់ការ/ប្រធានក្រុមក្លឹបនីមួយៗ។
លទ្ធផលនឹងប្រកាសព្រមគ្នាជាមួយម្ចាស់ពានរង្វាន់ដទៃទៀតនៅថ្ងៃទី ១៧ ធ្នូ ក្នុងទីក្រុង Zurich ប្រទេសស្វីស។ បញ្ជាក់ថាបេក្ខភាពកីឡាករល្អបំផុតវិញ រួមមាន Lionel Messi, Cristiano Ronaldo និង Robert Lewandowski៕
ប្រភព៖ BeSoccer