ក្រុម Real Madrid របស់លោក Zidane បានឡើងទៅវគ្គ១៦ក្រុមចុងក្រោយហើយ បន្ទាប់ពីយកឈ្នះលើក្រុម Borussia Monchengladbach ក្នុងលទ្ធផល ២-០។
ក្រុម Real Madrid ប្រកួតចុងក្រោយនេះ ត្រូវការឈ្នះដាច់ខាត ហើយជាលទ្ធផលឃើញថាពួកគេលេងល្អមែន និងទទួលបានជ័យជម្នះដូចបំណង។ លោក Zidane ក៏បានសរសើរលើទម្រង់លេងប្រកួតនេះមែន ហើយអះអាងថាជាប្រកួតល្អបំផុតមួយសម្រាប់ក្រុម Real Madrid នារដូវកាលនេះហើយ។
អ្នកចាត់ការសញ្ជាតិបារាំងរូបនេះបាននិយាយថា៖ “យើងបានលេងប្រកួតមួយដោយទំនុកចិត្តតាំងពីនាទីដំបូងរហូតដល់ចប់។ យើងបានគ្រប់គ្រងការប្រកួតមួយនេះ។ ខ្ញុំគិតថាវាជាប្រកួតល្អបំផុតមួយសម្រាប់ក្រុមយើង។ ខ្ញុំសង្ឃឹមថាយើងនឹងបន្ដទម្រង់លេងល្អនេះបន្ថែមទៀត”៕ប្រភព Marca
