Paris Saint-Germain បានយកឈ្នះទៅលើ Istanbul Basaksehir ៥-១ នៅជុំចុងក្រោយវគ្គចែកពូល UEFA Champions League ហើយក្នុងចំណោមគ្រាប់បាល់ទាំងប្រាំគឺមាន ៣ ជារបស់ Neymar និង ២ របស់ Kylian Mbappe។
២ គ្រាប់បន្ថែមនេះ បានរុញឲ្យគ្រាប់បាល់សរុបរបស់យុវជនបារាំងឡើងដល់ ២០ គ្រាប់ហើយនៅ UCL។ នេះក៏បានជួយឲ្យ Mbappe អាចបំបែកកំណត់ត្រារបស់ Messi នាមជាកីឡាករវ័យក្មេងបំផុតដែលអាចរកបានគ្រាប់បាល់ទី ២០ ផងដែរ។
តាមរបាយការណ៍ពី Opta យើងបង្ហាញឈ្មោះកីឡាករ ៥ រូប ដែលអាចរកបានគ្រាប់បាល់ទី ២០ នៅ UCL ទាំងស្ថិតនៅវ័យក្មេងបំផុត៖
៥) Karim Benzema ធ្វើបាននៅអាយុ ២៣ ឆ្នាំ និង ២៨២ ថ្ងៃ
៤) Alessandro Del Piero ធ្វើបាននៅអាយុ ២៣ ឆ្នាំ និង ១៥៧ ថ្ងៃ
៣) Raul Gonzalez ធ្វើបាននៅ អាយុ ២២ ឆ្នាំ និង ២៩៧ ថ្ងៃ
២) Lionel Messi ធ្វើបាននៅអាយុ ២២ ឆ្នាំ និង ២៦៦ ថ្ងៃ
១) Kylian Mbappe ធ្វើបាននៅអាយុ ២១ ឆ្នាំ និង ៣៥៥ ថ្ងៃ៕