ក្លឹបមាន់ខ្នាយមាស Tottenham Hotspur បានស្មើទល់ម្ចាស់ដី LASK ៣-៣ កាលពីយប់មិញ នៅឯការប្រកួតជុំទី ៥ Europa League ហើយក្នុងចំណោមនោះក៏មានគ្រាប់បាល់របស់ Son Heung-min មួយរូបផងដែរ។
តើអ្នកដឹងទេថា គិតត្រឹមជាង ៣០ ភាគរយនៃរដូវកាលនេះ Son រកបាន ១២ គ្រាប់ហើយគិតគ្រប់ការប្រកួតទាំងអស់? ប៉ុន្តែក៏មានកីឡាករ ២ រូបផ្សេងឯទៀតនៅ Premier League ដែលអាចធ្វើបានល្អជាង Son នោះគឺមិត្តរួមក្រុម Harry Kane និងខ្សែប្រយុទ្ធក្លឹប Everton គឺកីឡាករ Dominic Calvert-Lewin។
អ្នកទាំងពីរ រកបានម្នាក់ ១៣ គ្រាប់ ដោយ Kane នៅ ១៦ ប្រកួតសរុប រកបាន ១៣ គ្រាប់និង Assist ១១ លើក។ រីឯ Calvert-Lewin នៅ ១២ ប្រកួតសរុប រកបាន ១៣ គ្រាប់ ដោយមាន ១០ នៅ Premier League និង ៣ គ្រាប់នៅ Leauge Cup៕
ប្រភព៖ OptaJoe