Olivier Giroud រកបាន ៤ គ្រាប់ម្នាក់ឯងនៅការប្រកួតវគ្គសន្សំពិន្ទុជុំទី ៥ ទល់ Sevilla កាលពីយប់មិញ ហើយឈ្មោះរបស់គេក៏បានគ្រងកំណត់ត្រាជាច្រើនផងដែរ។ ដោយឡែកបើក្រឡេកមកមើល Top Scorer នៅ UCL រដូវកាល ២០២០/២១ វិញ កីឡាករបារាំងគឺជាកីឡាករទី ១ ឲ្យ Chelsea រកបានច្រើនគ្រាប់បំផុត និងស្ថិតនៅលេខ ៥ នៅបញ្ជីរួម។
ក្នុងនោះ Giroud រកបាន ៥ គ្រាប់គិតមកត្រឹមពេលនេះ ស្មើគ្នាជាមួយនឹង Alassane Plea តែនាំមុខ Lukaku/Jota/Immobile រកបាន ៤ គ្រាប់។ គេនៅចាញ់កីឡាករ ៣ រូប ដែលរកបាន ៦ គ្រាប់មានដូចជា Erling Haaland, Marcus Rashford, Alvaro Morata ដែលឈរនៅចំណាត់ថ្នាក់កំពូល។
បញ្ជាក់ថា ការប្រកួតជុំទី ៦ នឹងធ្វើឡើងនៅពាក់កណ្តាលសប្តាហ៍ក្រោយ មានផ្សាយផ្ទាល់លើទំព័រ CTS Sports ហើយក៏ជាជុំនៃគូពិសេស រវាងការជួបគ្នារបស់ក្លឹប Barcelona និង Juventus ផងដែរ៕ ប្រភព៖ UEFA