Joachim Low នឹងបន្ដជាគ្រូបង្វឹកក្រុមជម្រើសជាតិអាល្លឺម៉ង់រហូតដល់ព្រឹត្តិការណ៍ Euro 2021 ខាងមុខនេះ បើទោះជាទើបដឹកនាំក្រុមអេស្ប៉ាញ ៦-០ កាលពីដើមខែកន្លងទៅនេះក៏ដោយ។
លទ្ធផលចាញ់អេស្ប៉ាញកន្លងទៅនេះ បានធ្វើឱ្យអ្នកគាំទ្រភ្ញាក់ផ្អើលជាខ្លាំង ព្រោះនេះជាបរាជ័យធ្ងន់បំផុតមួយក្នុងប្រវត្តិសាស្ត្របាល់ទាត់អាល្លឺម៉ង់។ តែទោះជាយ៉ាងនេះក្ដី សហព័ន្ធបាល់ទាត់អាល្លឺម៉ង់បានប្រជុំសម្រេចថាពួកគេនឹងផ្ដល់ឱកាសឱ្យលោក Low បន្ថែមទៀត។ ដោយលោកនឹងអាចដឹកនាំក្រុមអាល្លឺម៉ង់ដល់ព្រឹត្តិការណ៍ Euro នៅឆ្នាំក្រោយឯណោះ។
Joachim Low វ័យ៦០ឆ្នាំ បានដឹកនាំក្រុមជម្រើសជាតិអាល្លឺម៉ង់តាំងពីឆ្នាំ ២០០៦មកម្ល៉េះ ដោយបានជួយក្រុមមួយនេះឈ្នះពានរង្វាន់ FIFA World Cup នៅឆ្នាំ២០១៤ និងទទួលបានលេខ២នៅពានរង្វាន់ Euro នៅឆ្នាំ២០០៨៕
ប្រភព៖ DailyMali