នៅយប់ថ្ងៃសោរ៍កន្លងទៅនេះ ក្រុមមេឃខៀវ Manchester City ធ្វើបានយ៉ាងល្អ នៅជំនួបទល់ក្រុមភ្ញៀវ Burnley នៅឯកីឡដ្ឋាន Etihad ដោយយកឈ្នះក្រោមលទ្ធផល ៥-០។ ៣ ពិន្ទុដែលទទួលបានរុញឲ្យក្រុមដឹកនាំដោយលោក Pep Guardiola រំកិលឡើងមកលេខ ៨ បណ្តោះអាសន្ន ខណៈ Burnley ខ្ទាតដល់លេខ ១៧ ក្បែរតំបន់កាត់ឈ្មោះ។
ខាងម្ចាស់ផ្ទះមានឱកាសវាយសម្រុក ហើយគ្រប់គ្រងបាល់ដល់ទៅ ៦៩ ភាគរយ តាមរយៈការបញ្ជូនបាល់ចេញ ៧១៤ លើក។ មេឃខៀវស៊ុតចេញ ១៩ លើក ចំគោលដៅ ៦ លើក ធ្វើបាន ៥ គ្រាប់ តាមរយៈការស៊ុតរបស់ Riyad Mahrez នៅនាទី ៦,២២ និង ៦៩ ហើយ Benjamin Mendy និង Ferran Torres រកបានបន្ថែមម្នាក់មួយគ្រាប់ផ្សេងទៀតនៅតង់ទីពីរ។
ទស្សនាវីដេអូខាងក្រោម៖
https://www.youtube.com/watch?v=xjS1xO9vB1g
បញ្ជាក់ថា ការជួប Burnley លើកណាក៏ City ស៊ីមិនតិចគ្រាប់នោះដែរ ហើយនៅ ៧ ប្រកួតចុងក្រោយនេះពួកគេបានយកឈ្នះទាំងអស់ ដោយសរុបគ្រាប់បាល់គឺមានដល់ទៅ ២៨ គ្រាប់ ខណៈ Burnley រកបានទល់ City តែ ១ គ្រាប់៕