លោក Jose Mourinho បានអះអាងថាលោកមិនមានកង្វល់អ្វីច្រើនទេសម្រាប់ក្រុម Spurs ដោយក្រុមដែលមានសម្ពាធច្រើននោះគឺ Chelsea ឯណោះ ព្រោះពួកគេចំណាយច្រើនខ្លាំងដែលតម្រូវឱ្យមានពានរង្វាន់។
ក្រុម Spurs កំពុងឈរនៅកំពូលតារាង និងធ្វើបានល្អមែនទែននៅប៉ុន្មានប្រកួតមកនេះ។ ស្របពេលក្រុម Chelsea វិញក៏មិនអន់ដែរ គឺជាក្រុមដែលមានការចំណាយដើម្បីទិញកីឡាករថ្មីចូលច្រើនជាងគេនារដូវកាលនេះ។ ដូច្នេះហើយ ក្រុមតោខៀវច្បាស់ណាស់ត្រូវការពានរង្វាន់សម្រាប់អ្នកគាំទ្រវិញ ដើម្បីស្មើជាមួយការចំណាយ។
ដោយមុន Spurs ប៉ះជាមួយ Chelsea នៅសប្ដាហ៍នេះ លោក Jose Mourinho អ្នកចាត់ការក្រុមមាន់ខ្នាយមាសបានមើលឃើញថាក្រុមរបស់លោកមិនមានសម្ពាធអ្វីឡើយសម្រាប់ការប្រកួតមួយនេះ។ ដោយឡែកក្រុមតោខៀវទេ ដែលជាអ្នកត្រូវការជ័យជម្នះខ្លាំង។ ពួកគេមានក្ដីរំពឹងខ្ពស់ដើម្បីយកពានរង្វាន់ឱ្យបានសម្រាប់អ្នកគាំទ្រ ព្រោះរដូវកាលនេះ Lampard ចំណាយប្រាក់ច្រើនមែនទែនដើម្បីកសាងក្រុមដ៏ល្អមួយ៕
ប្រភព៖ DailyMail