ក្រុម Manchester City នឹងត្រូវតតាំងជាមួយក្រុម Burnley សម្រាប់ការប្រកួតពានរង្វាន់ English Premier League នៅម៉ោង១០យប់នេះ។
សម្រាប់ការប្រកួតនេះដែរ ខ្សែប្រយុទ្ធ Sergio Aguero ត្រូវបានលោក Pep មិនរំពឹងថាបានលេងនោះទេ ព្រោះរូបគេទើបតែបាត់បង់អតីតឪពុកក្មេងកាលពីពេលថ្មីៗនេះ គឺលោក Maradona ។ វីរបុរសបាល់ទាត់អាហ្សង់ទីនដែលស្លាប់នៅវ័យ៦០ឆ្នាំនេះ គឺជាជីតារបស់ Bejamin កូនប្រុសវ័យ១១ឆ្នាំរបស់ Aguero ។
ដោយសារតែទើបបាត់បង់សមាជិកគ្រួសារនេះហើយ ទើបបានជាលោក Pep និយាយថា៖ “វាពិបាកក្នុងការនិយាយពីអារម្មណ៍របស់គាត់។ ជាពិសេសសម្រាប់កូនប្រុសរបស់គាត់ វាពិតជាប៉ះពាល់។ គាត់បានស្គាល់ Maradona ច្បាស់និងកូនប្រុសរបស់គាត់។ វាជារឿងដែលធ្វើឱ្យគ្រួសារទាំងមូលពិបាកចិត្តនៅពេលបាត់បង់មនុស្សសំខាន់ម្នាក់។ ប៉ុន្តែគាត់មើលទៅដូចជា OK ទេ”៕
ប្រភព៖ DailyMail